InSAR gervihnattamyndir - Reykjanesskagi

Radargögn úr Sentinel-1 gervitunglum hafa meðal annars verið nýtt við að meta aflögun yfirborðs jarðar í tengslum við jarðhræringar, m.a. í tengslum við eldgosið við Fagradalsfjall árið 2021. Sentinel gervitunglin eru hluti af Copernicus áætluninni og eru rekin af Evrópsku Geimvísindastofnunni (ESA), en Ísland á aðild að áætluninni. Með því að raða saman mörgum myndum af sama svæði teknum á ólíkum tíma má gera svokallaðar bylgjuvíxlgreiningar. Með þeim má greina jarðskorpuhreyfingar á því tímabili sem gögnin ná yfir og bera saman við aðrar óháðar mælingar, svo sem GPS mælingar. Myndin sýnir breytingar frá 09.03 til 15.03.2021 Upplýsingarnar eru fengnar úr umfjöllun um eldgosið við Fagradalsfjall á heimasíðu Veðurstofu Íslands: https://www.vedur.is/um-vi/frettir/skjalfti-m57-a-reykjanesi